Dugang dunggab sa guba na nga pagsalig sa katawhan ang pagkalambigit sa duha ka aktibong pulis sa pagpamusil sa usa ka 38 ka tuig nga lalaki sa Barangay Indahag taliwala sa sunod-sunod nga kontrobersiya nga giatubang sa kapulisan.
Tungod niini, giangkon ni Cagayan de Oro City Police Office Spokesperson PMaj. Emelita Simon ang maong dakong pagsubay ug gipaniguro nga adunay adlaw-adlaw nga pagbansay ug pahimangno sa mga opisyal.
Gipasabot usab sa opisyal nga ang sayop nga pagdesisyon ug emosyon sa sakop kay kaugalingong lihok na niini ug gawas na sa kontrol sa panggamhanan sa PNP.
Sa karon, gipreso na sa detention facility ang duha ka pulis nga may ranggong Police Executive Master Sergeant ug Patrolman human nakuhaan og 2 ka armas samtang giandam ang pormal nga kaso batok kanila.
