Andam tawagon ang small-time contractor nga si Elmer Cotiamco nga under sa iyang asawa basta kini ang hinungdan sa maayong panag-sinabtanay sa ilang panimalay.
Mao kini ang iyang gipaambit sa Bombo Radyo sa adlaw sa Father’s Day isip tipik sa pagpasalamat sa Ginoo sud sa 31 ka tuig nilang kaminyoon.
Giila ni Cotiamco nga bisan pa sa mga pagsulay sa kinabuhi ug sa ilang negosyo, ang pagkamapainubsanon, gugma, ug pagrespeto maoy nagpabilin nga haligi sa ilang pamilya.
Mapasigarbuhon usab niyang gihisgutan ang iyang mga anak, lakip na ang iyang anak nga lalaki nga nakahuman isip Cum Laude.
Gipadayag usab niya nga ang pagkahimong maayong ehemplo ngadto sa iyang mga anak ang labing dakong bahin sa iyang kalipay isip usa ka amahan.
