CAGAYAN DE ORO CITY – Wala namatay sa mga igo sa bala apan tungod sa pagkasunog ang mga lawas sa unom ka sundalo nga tipik sa migukod sa nabiling mga sakop sa Dawlah Islamiyah-Maute terror group sa Brgy Ramain,Munai, Lanao del Norte.
Kini human angkona ni AFP chief of staff Gen Romeo Brawner Jr nga misipyat sa pagsunod ang ilang tropa sa taktika nga gigamit una nila paglusob sa lokasyon sa mga terorista nga tipik sa mibomba sa Mindanao State University Marawi sa miaging Disyembre 2023.
Miingon si Brawner nga kaugalingong lihok sa ilang mga sundalo ang rason unom ka fatalities dili tinood nga gisunog ug gipangputla’g ulo sa mga terorista ang mga namatay nila nga mga sundalo.
Gihimo sa heneral ang katin-awan nunot sa iyang pagduaw sa laing upat ka sundalo nga samaron nga padayong gitambalan sa Camp Evangelista Station Hospital sa 4ID headquarters sa syudad kagahapong adlawa.
Sa pikas bahin,negatibo sa aktuwal nga presensiya sa mga sakop sa mga terorista ang bisan asa nga bahin sa Northern Mindanao region.
Apan giklaro ug giapniguro ni Police Maj. Joann Navarro,tigpamaba sa Police Regional Office 10 nga walay pag-ubos sa kahugot-seguridad ang lower units aron dili maigo sa sobatahe ang rehiyon sama sa MSU-Marawi bombing sa miaging tuig.
Gihimo ni Navarro ang pagpasabot nunot sa sunod-sunod nga engkuwentro sa militar ug mga terorista sa pipila ka lungsod sa Lanao del Sur ug Lanao del Norte ning tuiga.
