CAGAYAN DE ORO CITY – Nasubo ang Commission on Elections o Comelec 10 nga namatay ang checker sa naka-kontrata kanila nga F2 Logistics dihang nahulog ang deliver truck sa 50 metros nga ginlawmon sa pangpang gikan sa main highway sa Purok 6, Carmen Hill,Upper Puerto ning syudad.
Matud ni Comelec 10 regional director Atty. Renato Magbutay nga dili gyud unta nila gusto nga adunay madisgrasya sa ilang mga kaabag sa preparasyon sa eleksyon apan wala kalikayi ang panghitabo sa miaging gabii.
Siya miingon nga gipahibalo na niya si Comelec chairman George Garcia kabahin sa gidangatan sa ilang counterpart sa May 12 elections.
Dumduman nga maoy namatay sa pagkahulog sa trak ang biktima nga si Rommel Harvez nga residente sa Jasaan,Misamis Oriental samtang samaron ang mga kauban niini nga sila Michael Awitin ug Judy Cayetuna nga pulos taga- Cagayan de Oro City.
Hisayrang naka-abiso pa ang namatay’ng biktima sa iyang kapikas nga magdungan sila’g panihapon kay mohapit sa ilang balay gikan sa biyahe nila sa Bukidnon.
