CAGAYAN DE ORO CITY – Miggawas sa imbestigasyon sa kapolisan nga accidental firing ang hinungdan sa pagkamatay ni Army Technical Sgt. Rogelio Asuncion nga ubos sa 58th IB,Philippine Army.
Kini human unang nakit-ang patay si Asuncion sulod sa Rear Command Post sa Camp Evangelista niadtong Agosto 7 sa kadlawon.
Miingon si Carmen Police Station commander Police Major Ian Borinaga nga matoohan lamang nga naghikog ang biktima kon nakabaton kini’g samad sa iyang ulo.
Dugtong niini, nagtoo si Borinaga nga aksidenteng napulisan sa biktima ang iyang kaugalingon samtang naglimpyo sa iyang issued firearms nga Glock 35.
Si Asuncion ang nakabaton sa samad pinusilan sa iyang dughan nga maoy hinungdan sa iyang kamatayon.
