CAGAYAN DE ORO CITY – Nagka-komosyon apan dili ra maka-alarma ang mando nga gilugwa sa interim officials ngadto sa naka-hold nga general manager sa Cagayan de Oro Water District nga si Engr Antonio Young ning syudad.
Kini human isulti ni on-hold COWD board of director Dr. Gerry Caño nga temporaryong gisirad-an ang opisina ni Young pagsiguro nga ma-preserbar ang mga importanteng mga impormasyon samtang padayong nag-takeover ang Local Water Utilities Administration o LWUA.
Namahayag si Caño nga dili kini angay buhaton sa interim officials kay nakahatag sa negatibo nga impresyon sa mga empleyado sa COWD ug mismong mga konsumante sa dakbayan.
Una nang naglugwa sa mando si interim COWD General Manager Fermin Jarales nga mag-work from home lang una si Young samtang anaa pa ang presensiya sa LWUA appointed officials nga gitahasan sa Malakanyang pagpangita’g kasulbaran sa mga suliran sa panubig,koleksyon ug pasilidad sa dakbayan.
Hisayrang gikuwestiyon sa on-hold COWD BoDs ang LWUA takeover sa korte ug gipangayuan sa temporary restraining order apan wala pabori rason nga dunay nasang-at nga motion for reconsideration.
