CAGAYAN DE ORO CITY, Philippines – Gidili na ang pagkanta, pagkita sa mata, ug pagsalmot sa unibersidad sa mga babaye didto sa Afghanistan.
Mao kini ang bag-ong balaong nga gipatuman sa ‘defacto government’ sa maong nasud nga gilangkoban sa mga miyembro sa Taliban.
Tungod sa bag-ong balaod, hiniusang gikondinar sa grupo sa mga kababaihan sa United Nations ang maong kamanduan ilabe nga halos gipatay na sa ilang gobyerno ang bili sa ga babaye sa ilang nasud.
Subay sa balaod sa Taliban, ang mga babae sagrado busa dili angayan makita sa publiko ang iyang lawas ug nabuhi kini aron serbisyohan ang ilang mga anak ug kapikas sulod sa ilang puy-anan.
Wala kini katungod nga manginlabot sa lihok sa gobyerno kay trabaho kini sa mga kalalakihan.
Gikondinar ni Ravina Shamdasani, UN Human Rights Spokesperson ang bag-ong kamanduan sa Taliban.
