(Update) CAGAYAN DE ORO CITY -Nangayo’g tabang nga construction materials ang 70 ka pamilya nga biktima sa dakong sunog sa Purok 3,Ramonal Village,Brgy Camaman-an ning syudad.
Kini ang gipalanog ni Camaman-an Brgy Kag. Alice Cabili nga kabahin sa nakatutok sa kahimtang sa mga pamilyang bakwit sa covered court sa maong brgy.
Gibutyag ni Cabili nga tuyo sa maong apelar nga aron magamit sa mga apektadong pamilya alang sa ilang subli pagtukod sa bag-ong mga pinuy-anan niini pabalik sa maong lugar.
Siya miingon nga bastante na kaayo ang mga sinina ug pagkaon sa mga biktima apan walay magamit nga construction materials.
Mitala ang maong sunog sa sobra 8 milyon pesos nga personal cost of belongings.
Hisayrang subay usab sa initial structural damage sa Bureau of Fire Protection,mitala kini sa P700-mil nga sunog ug nagsumikad ang kalayo sa balay ni Magno Monares Jr.
