CAGAYAN DE ORO CITY, Philippines – Natugaw ang mga residente ug vendors sa Cogon Public Market sa dakung sunog nga nahitabo, kagabie.
Gibutyag sa Bureau of Fire Protection nga gibana-bana sa 400,000 pesos ang damyos perwisyo sa sunog.
Namahayag si FS01 Justino Daguplo Jr., Chief Operation Officer sa Cogon Fire Station 1, nga misaka sa 2nd alarm ang sunog bandang 9:54 ug napalong pagka-alas 10:03 sa gabie.
Maoy nasunog ang stall nga gipanag-iya sa pamilyang Sanigan.
Walay nasamdan o namatay sa maong sunog.
Sa pagkutlo ning balita wala pay lead ang mga bombero kung unsa ang hinungdan sa pag-ulbo sa kalayo sulod sa naugdaw nga establishemento.
