CAGAYAN DE ORO CITY – Ensakto lang nga gidala sa korte suprema ang pagkuwestiyon sa legalidad sa proseso sa pagporma sa P6 trillion national budget sa nasud.
Kini ang tubag ni Peter Laviña,sakop sa Hakbang ng Maisug Davao City sa mga pagsaway ni Pres Bongbong Marcos nga mani-obra sa kampo ni kanhi Pres Rodrigo Duterte ang pagsamuk-samok sa nasudnong pondo.
Miingon si Laviña nga naghinobra ang binuang diin nadiskobre nga moabot sa 13 ka pahina ang adunay 18 ka blank budget items.
Kini ang rason nga gisaka nila ni Davao City 3rd District Cong. Isidro Ungab ug kanhi Executive Secretary Vic Rodriguez ang ‘question of legality’.
Kini aron mismo ang mga mahistrado ang mohubad sa angay ug dili sa pirmado ni Pres Bongbong Marcos nga general appropriations act of 2025.
