Gihulagway sa MASADA National Convenor for Education ug Ekonomista nga si Joey Pelaez nga usa ka dako nga pagpangdaot ug smear campaign ang pagpakita sa publiko sa mga personal nga bank transaction sa mag-asawang Duterte sa impeachment trial.
Tungod niini, gipahayag sa opisyal nga naghatag og sayop nga hulagway ug mind-conditioning sa katawhan ang gihimo nga pag-total sa inflows ug outflows nga gikan pa sa tuig 2007.
Gumikan niini, gitin-aw sa opisyal nga usa usab kini ka pagpakita sa pagkahipokrito sa pipila ka mambabalaod diin mas dako pa gani ang net worth ug unexplained wealth sa ubang senador ug kongresista.
Gidugang pa sa opisyal nga ang tinuod nga katuyoan sa maong mga lakang mao ang tataw nga pagpakaulaw ug pagpugong sa Bise Presidente sa umaabot nga pagdagan sa 2028 elections.
