CAGAYAN DE ORO CITY – Mihimog inisyatiba ang 8th Infantry Batallion aron masanta ang kaso sa extortion sa Bukidnon.
Namahayag si IB Civil Military Office Lt. Kenneth Cabbigat nga nasayud sila nga musaka pa ang ilegal nga aktibidad nga himoon sa New Peoples Army ilabe na nga nagkagamay na ang mga pulitiko ug mga tawong nagpakaon kanila.
Nagtoo si Cabbigat nga dakug epekto kadtong mga municipalidad ug barangay nga nagpatuman sa resolusyon sa persona non grata sa NPA tungod kay maglisud naman ang mga rebelde sa pagsulod sa mga komonidad.
Sa miaging semana, gitapok sa 8IB ang mga negosyante nga nakabase sa ilang area of responsibility aron ipalig-on ang ilang koordinasyon.
