MANILA – Ensakto ang nakab-ot nga hukom sa natl govt nga likayan una ang pagsampit sa Amerika aron mohatag seguridad sa resupply missions sa Philippine Coast Guard ug ubang puwersang pangdagat sulod sa West Philippine Sea.
Kini bisan pa nga gibanggaan na usab sa Chinese vessels ang nag-inusara nga nga barkong BRP Teresa Magbanua nga nagbantay sa Escoda Shoal aron dili makuha sa China.
Miingon si Maritime expert Prof. Jay Batongbacal nga mas mapuwersa ang Tsina kon makit-an nila ang presensya sa mga barko sa Estados Unidos nga magkuyog-kuyog sa Pilipinas.
Siya miingon nga angayang buhaton una sa Pilipinas ang tanang paagi sanglit natigayon kini mismo sa West Philippine Sea.
