Gisupak sa Commission on Elections ang gipakuyanap nga impormasyon sa mga progresibong partylist sa Pilipinas nga kanselado na ang kadaugan sa Duterte Youth Partylist.
Gitin-aw ni Comelec Chairman Atty George Erwin Garcia nga dili kanselasyon, apan, suspension lamang sa ilang proklamasyon, isip mananaug nga partylist, ang gi-anunsyo sa en banc.
Tumong niini nga mahatagan sa tsansa ang mga representante sa partylist nga tul-iron ang mga iregularidad ug mga kaso nga gi-atubang sa managlahing korte.
Gipasalig ni Garcia nga hatagan sa pormal nga proklamasyon ang partylist sa magtiayong Cardema oras nga makapakita silag pruweba nga gawasnon na ang ilang bando sa mga grupo nga nagpasakag kaso batok kanila.
