Gibasura ni US President Donald Trump ang kontrobersyal nga plano ni Defense Secretary Pete Hegseth nga i-livestream ang pagpatuman sa silot nga kamatayon kang Nidal Hasan, kanhi major sa US Army nga nakapatay og 13 ka tawo sa pagpamusil sa Fort Hood, Texas, niadtong tuig sa 2009.
Bisan pa sa pagkanselar sa livestream, gikatakda gihapon ang pagpatuman sa silot nga kamatayon kang Hasan pinaagi sa firing squad sa Disyembre 3, niining tuiga, apan posible pa kini nga malangan tungod sa mga legal nga hagit.
Ang maong plano gisaway sa mga lehislador gikan sa duha ka partido, mga lider sa relihiyon ug mga miyembro sa publiko tungod sa kontrobersiya sa pagsibya sa pagpatay sa usa ka tawo.
Bisan pa nga nagpakita kini og talagsaong panaglahi sa desisyon tali sa presidente ug sa iyang defense secretary, gipahayag sa Pentagon nga gisuportahan ni Hegseth ang desisyon ni Trump ug nagpabilin silang nagkahiusa. (raniel mahunyag)
