Dako nga binuang ug direktang hulga sa kaluwasan sa publiko ang giingong paglubong sa milyong-milyong pesos nga nag-expire nga tambal sa Department of Health.
Gipahayag ni Lay Theologian Wilson C. Amad nga kining maong binuhatan dili lang pag-usik sa pundo kundi usa ka porma sa korupsyon diin gihimo nga negosyo ang pag-order og tambal aron lang makakuha og kickback.
Gipasiugda sa maong opisyal nga ang kakulang sa hustong inventory management nagbutang sa risgo sa panglawas sa mga bata ug sa tanang naggamit sa maong mga suplay.
Busa, nanawagan siya nga kinahanglang adunay independent audit ug mas strict nga pag-account aron maputol na ang dugay nang sistema sa pang-abuso sa ahensya.
