CAGAYAN DE ORO CITY, Philippines – Mibukal sa kalagot ang Chief of Police sa Kolkata City, India, nunot kini sa pagkasikop sa usa ka police volunteer nga gi-akusahan nga milugos-patay sa usa ka 31 anyos nga anyos nga doktor sulod sa RG Kar Medical College.
Base sa report sa federal investigators, graveyard shift ang gipatay nga biktima ug gikonsiderar nga labing linoog ang iyang kamatayon, sulod sa nasampit nga tunghaan.
Tungod sa hitabo, milusad sa nationwide rally ang hugpong sa mga babayeng doktor sa India.
Nanawagan ang grupo sa Federation of All India Medical Associations (FAIMA) nga Kolkata Chief of Police Vineet Goyal nga dili konsintihon ang binuhatan sa iyang sakop.
Miresbak si Goyal ug gibasol ang media sa pagpadaku sa isyu.
Una niini, nanawagan usab ang grupong FAIMA sa pagparesign sa prinsipal sa maong apektadong tunghaan.
Hisayran nga ang nadangatan sa 31 anyos nga biktimang doktor na susama sa babayeng magtutungha nga brutal nga gipatay ug gi-gang rape sulod sa nagdagan nga bus sa New Delhi, India tuig 2012.
