Welcome development alang sa grupong Magdalo ang pagpalugwa sa nga ngalan sa co-perpetrators ni kanhi Presidente Rodrigo Duterte sa kasong murder nga iyang gi-atubang sa ICC, sa the Hague Netherlands.
Kini ang gibutyag ni kanhi Magdalo Party-list Rep. Gary Alejano, human nasulat ang ngalan nila Senador Bato dela Rosa, ang kanhi Chief PNP sa panahon sa war on drugs ni Duterte, kuyog ang mihulip kaniya ni kanhi PNP Chief Oscar Albayalde nga maoy mipadayon sa dugong kampanya batok ilegal nga druga sa administrasyong Duterte sa tuig 2018.
Wala usab gikatingala sa grupo ni Alejano kung nganong nalakip ang ngalan ni Senador Bong Go, kay ilado man siyang “right hand ni Duterte, kinsa lakip nga nagtolerar sa mga kasong extra judicial killings o EJK.
Siya miingon nga sakto ra pud nga malakip sa listahan si kanhi DOJ Secretary Vitalliano Aguiere III.
Alang kanila, dili kini supresa apan, dugay nang kasayuran sa Pilipinas nga kinahanglan hukman sila sa korte sa ICC sa ilang lapad nga kalapasan sa tawhanong katungod, ilabe sa mga gipangpatay nga mga inosente.
