CAGAYAN DE ORO CITY-Gisugdan na sa Department of Trade and Industry o DTI-Misamis Oriental ang pagmonitor sa presyo sa mga noche buena products ning syudad.
Kini ilabina nga nagkadool na ang kasaulogan sa pasko.
Matud ni DTI provincial director Eliza Pabillore nga wala sila’y namonitor nga mga dagkong tindahan nga nagpahimulos sa pagpasaka’g presyo sa mga noche buena products.
Gani, gipasalig niini ang hugot nga monitoring sa mga presyo sa noche buena sa mga dagkong establishimento.
