Giklaro ni Communications Undersecretary Claire Castro nga ang mga gipamutang nga facades ug barriers sa mga diplomatic routes kabahin sa mga lakang sa seguridad alang sa 49th ASEAN Summit.
Gipahayag sa opisyal sa Palasyo nga ang maong mga ali dili lang alang sa proteksyon sa mga delegado kondili aron usab mapreserbar ang kahapsay ug kalimpyo sa mga agianan atol sa panagtigom.
Gipasigarbo usab ni Castro ang mga artworks nga gipintal sa maong mga barriers nga nagsilbing plataporma aron ipasiugda ang talento sa mga lokal nga artists.
Matod pa ni Castro, ang nakitang mga obra usa ka dakong garbo tungod kay nagpakita kini sa talagsaong abilidad sa mga giilang artists sa Pilipinas.
Gilauman sa gobyerno nga pinaagi sa maong inisyatiba, masiguro ang luwas nga pag-abot sa mga lider sa kanasuran samtang gipakita ang mabulokong kultura ug arte sa nasud
