Gikonsidera man nga dako nga kalamboan ang pagpagawas og warrant of arrest alang sa kasong plunder batok sa gitawag nga dako nga isda sa flood control scandal nga si kanhi House Speaker Martin Romualdez.
Apan taliwala sa maong kalamboan, nagpasidaan si Professor Christopher Maboloc sa Ateneo de Davao University nga magbalantay ang publiko tungod kay dungan sa arrest warrant, nagpahigda ug nagtago man dayon sa ospital ang kanhi opisyal.
Gipasabot ni Maboloc nga lahi ang pagpagawas og warrant ug lahi usab ang pagsiguro nga tinuod nga mapreso ang usa ka gamhanang tawo diha sa korte.
Gibutyag sa propesor nga usahay gigamit lang ang mga ingon niining drama sa pagpa-ospital aron pakitaon nga gigukod ang mga kawatan sa pundo, apan sa katapusan wala ra gihapon mabilanggo.
