CAGAYAN DE ORO CITY –Dili pa mahatag ni City Mayor Oscar Moreno ang hangyo sa mga negosyante ug relihiyosong sektor nga ibalik na ang naandam nga kalihukan ning syudad.
Kini human unang nagpadala sa sulat-hangyo ang mga negosyante aron tugtan nga magbukas ilabina ang shopping malls nga kabahin sa gipasirad-an tungod sa coronavirus disease sa dakbayan.
Miingon si Moreno nga angayang konsultahon una ang health authorities ayha mohimo’g hukom alang sa pagpabalik sa normal nga sitwasyon sa syudad.
Samtang wala gikadismaya apan nasabtan sa Simbahang Katolika ang pagbakwi sa gobierno sa pagpabalik na unta sa mga santos nga misa sa kasimbahanan sa tibuok nasud.
Kini human unang nahukman sa inter-agency task force sa kauluhan ang pagtugot sa religious gatherings apan kalit gisibog epekto sa taas pa gihapon nga peligro sa coronavirus disease pandemic.
Miingon si Cagayan de Oro Archbishop Antonio Ledesma,S.J nga duyog sila sa paningkamot sa gobierno aron masumpo sa hingpit ang bayrus dinhi sa nasud.
Dugtong niini,giaghat ni Ledesma ang publiko nga kanunay maminaw sa Bombo Radyo ilabina sa matag-buntag sa Domingo diin e-cover live ang pribadong misa diin makita usab sa Bombo Radyo CdeO Facebook fan page nga manukad sa Bishop’s House ning syudada.
