Nagpahinumdom si City Psychologist Rio Rosal Baliling sa publiko bahin sa peligro sa pagpabilin sa mga toxic relationships, diin ang emosyonal ug mental nga kahimsog sa usa ka tawo mahimong maapektuhan.
Matod ni Baliling, ang mga sintomas sama sa grabe nga stress, kawad-on sa kumpiyansa sa kaugalingon, ug kahadlok sa pagpadayon sa personal nga relasyon mao ang pipila sa mga timailhan nga ang usa ka relasyon dili na maayong palibot.
Gidugang pa niya nga importante nga mailhan ug mahatagan og hustong solusyon ang mga relasyon nga nagdala og negatibong epekto, ug gidasig ang publiko sa pagpangayo og suporta gikan sa pamilya, higala, o eksperto sa mental health. Siya miingon nga “Dili angay nga pugson ang kaugalingon sa usa ka relasyon nga nagdala og kasakit ug kahasol,” .
Sa katapusan, gihangyo niya ang tanan nga magbantay sa ilang emosyonal nga kahimsog ug likayan ang mga relasyon nga makahatag lang og kadaut sa ilang kinabuhi. (James Oliver)
