Giawhag sa Bureau of Fire Protection ang mga residente ug biktima sa dakong sunog sa Sta. Cruz 2, Barangay Lapasan nga mopagawas ug mopasaka og dugang ebidensya aron mapakusog ang kaso batok sa gitudlong suspek.
Sumala ni CDO Fire District Investigator FO2 Kyle Nichol Reyes, padayon ang ilang koordinasyon sa Philippine National Police ug prosecution team alang sa paghan-ay sa pormal nga kaso.
Dugang pa sa opisyal, bisan pa nga giimbestigahan na sa kapulisang ang suspek ug adunay gihawiran nga pipila ka saksi, mas gikinahanglan ang dugang nga testimonya gikan sa mga nakakita aron mas mapabug-at ang silot batok sa naghimo sa maong salaod.
Sa karon, gipagawas una ang suspetsado subay sa legal nga proseso apan nagpabilin kini sa ilalum sa hugot nga pagmonitor sa kapulisan samtang gihulat ang preliminary investigation
