CAGAYAN DE ORO CITY-Nagpadumdom ang kaparian ning syudad kalabot na sa mga dautang tinoohan panahon sa pagtamod sa Santos ug Kalag.
Sa interview sa Bombo Radyo, miingon si Fr.Jun Balsamo sa Our Lady of Miraculous Medal Paris sa Brgy Lumbia nga dili pag-abog sa dautan ang pagpadugo sa mga bag-ong tukod nga mga balay o gambalay.
Namugos si Fr Balsamo nga dili mahadlok ang mga dautang espirito sa dugo sa manok, baboy ug uban pang mananap.
Mas maayo nga manawag sa mga pari aron bendisyonan ug maabog ang mga dautang espirito.
