Giklaro ni Fr. Der John Faborada Apostolate Communication Officer sa Archdiocese of Cagayan de Oro nga walay direktiba o komunikasyon nga nadawat ang ilang opisina kalabot sa pagpahigayon og White Ribbon March karong Hunyo 28 dadto sa EDSA People Power Monument.
Hinuon, gibutyag sa maong pari nga ang maong prayer rally ipahigayon lamang didto sa kaulohan. Nunot niini, gipasabot ni Faborada nga ang ilang papel karon mao na lamang ang paghatag og suporta sa kalihukan sa kaulohan.
Bisan pa man niini, gipadayag ni Faborada nga wala pa silay klaro nga event program diri sa dakbayan alang sa maong rally.
Sa pagkakaron, gipaabot nga ang panagtapok paga-apilan sa mga prominenteng personalidad gikan sa nagkadaiyang simbahan, CBCP, Christian denominations, ug mga civil society leaders didto lamang sa kaulohan.
