Gikompirmar sa Cagayan de Oro City Police Office (COCPO) nga adunay ubay-ubay ka grupo ang naglukat sa special permit sa City Mayors Office aron mupahigayon sa ilang Prayer Rally sa Nobyembre 29, adlaw’ng Sabado. Miingon si COCPO Spokesperson Police Captain Emilita Simon nga adlaw’ng Huwebes pa lang, nagdeploy na ang ilang han-ay sa mga pulis sa Gaston Park alang sa clearing operation. Tumong niini nga mahimong luwas sa bisan unsang bahad ang grupo nga mulusad sa kalihukan,
Dugtong niini, kapin 200 ka pulis nga langkoban sa ilang uniformed, non-uniformed, CdO special Unit ug gikan sa PR0-10 ang ibubo sa duha ka adlaw nga lihok protesta. Mas daghan pulis ang mubantay sa mas lapad nga kalihukan sa Domingo, ang Trillion Peso March Rally nga panguluhan sa managlahing religious group.
