Pagpakunhod sa pletehan ang nakita nga solusyon sa lokal nga panggamhanan aron masulbad ang mga yangongo sa mga pasahero sa provincial buses samtang gipatuman ang usa ka bulan nga dry run alang sa transport ordinance.
Namahayag si City Information Officer Jade Adeser nga makig-alayon si Mayor Rolando Klarex Uy kauban ang Roads and Traffic Administration ngadto sa Land Transportation Franchising and Regulatory Board ug ni Regional Director Bindejo aron pormal nga mahisgotan ug maaprubahan ang maong probisyon.
Subay sa gipadayag sa opisyal, ang maong ibawas nga kantidad gikan sa pletehan sa bus mamahimong magamit sa mga sumasakay isip dugang plete sa pagsakay sa mga lokal nga transportasyon pasulod sa city proper.
Sa katapusan, nagpasalig na ang mga lokal nga grupo sa transportasyon nga ilang maakomodar ang tanang mga estudyante ug trabahante nga manaog sa mga terminal sa Bulua ug Agora.
