CAGAYAN DE ORO CITY – Gibulgar ni kanhi City Mayor Oscar Moreno nga nagka-red flag o gi-kuwestiyon sa Commission on Audit o COA ang gihatag ni City Mayor Rolando ‘Klarex’ Uy nga tax condonation o pagkuwits sa mga obligasyong buhis sa mga negosyante sa dakbayan.
Kini ang sumpay-tubag ni Moreno nunot sa gi-anunsyo usab ni Uy nga gi-kuwestiyon sa COA ang 211 milyones pesos nga infrastracture projects nga wala mahuman sa gitakdang petsa ubos sa kanhi administrasyon.
Namahayag ang corporate laywer nga si Moreno nga kutob lang sa pagpahumot si Klarex kay bag-ong mayor apan wala tan-awa nga disbitaha daw kini sa katawhan sa dakbayan.
Samtang gipadumduman ni Uy nga magbaton sa utang kabubut-on kon unsa may natabang niya ngadto sa iyang kanhi alyado sa politika nga si Moreno.
Kini usab ang tubag sa mayor batok sa pagsaway ni Moreno sa gihimo sa city hall nga pagkuwits sa sobra 121 milyones pesos nga buhis unta nga matigom sa dakbayan.
Miingon si Klarex nga maoy atimanon ni Oca ang findings sa Commission on Audit kon nganong walay mahuman ang 211 milyones pesos nga balor sa proyekto sa iyang panahon kaysa ipasangil sa kasamtangang administrasyon sa city hall.
