CAGAYAN DE ORO CITY – Wala itugot sa simbahang Katolika sa iyang mga debotong Kristiyanos nga magpalansang aron lab-ason ang kasinatian ni Kristo-Hesus sa panahon nga nakig-uban siya sa kalibutan sobra 2-mil ka tuig na ang nakalabay.
Kini aron dili masapawan sa atraksyon sa tawhanong gimbuhaton ang pagbuhis kinabuhi ni Kristo nga nagtumong pagdugtong sa nabugtong relasyon tali sa tawo ug Langitanong amahan.
Gihimo ni Confraternity of the New Apologetics Pres. Cleb Calimutan ang mensahe nunot sa pag-obserbar sa katawhang Kristiyanos sa semana santa ning tuiga.
Siya miingon nga kausa ra ang gihimo ang maong sakripisyo ug walay lain nga gitugtan niini diin si Kristo lamang.
Hinoon,gitugtan sa simbahan nga makahimo’g pilgrimage site visits ang mga deboto ning panahona sa semana santa.
Kini tungod kay haom ang maong mga gimbuhaton sa unang mga Kristiyano nga gisubay ang mga lugar diin nadalikyatan ni Kristo sa iyang ministeryo kaniadto.
