Usa ka dako nga binuang ug walay suporta sa bisan unsang pagtuon ang plano nga patas-an ngadto sa 5 ka tuig ang termino sa mga opisyal sa barangay, subay sa bug-at nga pagsaway ni Eric Jude Alvia sa National Citizens’ Movement for Free Elections o Namfrel.
Sa pakighinabi sa Bombo Radyo, gitin-aw ni Alvia nga gikan sa orihinal nga 3 ka tuig gihimo na kining 4 ka tuig human sa unang pag-oktaba, ug karon ginasugyot na usab nga palawigon ngadto sa 5 ka tuig bisan nga wala pa mapatuman ang naunang balaod.
Dugang pa sa maong opisyal, walay garantiya nga moarang-arang ang serbisyo sa kagamhanan alang sa mga tawo bisan pa kon patas-an ang paglingkod sa pwesto sa maong mga lider.
Tungod niini, nagpadayag og dako nga kabalaka ang maong organisasyon nga tungod sa kanunay nga pag-postpone sa eleksyon, daghang kabatan-onan nga gustong magsilbi sa Sangguniang Kabataan ang mawad-an na ug katungod sa pagdagan tungod sa paglapas sa gitugot nga pangedaron.
