Lahi sa kasagaran nga igo ra motanom alang sa compliance sa graduation o kasal, kinahanglan usab nga monitoron ug atimanon ang mga kahoy aron mabalik ang kakahoyan sa atong palibot.
Mao kini ang gipadayag ni Luz Antiza Denuyo, founder sa GANDA Natural Farming System, diin iyang gihimug-at nga pinaagi sa panaghiusa sa gobyerno, simbahan, ug media, dako ang paglaom nga mapalunhaw pag-usab ang kinaiyahan sa rehiyon.
Gipamatud-an usab ni Denuyo nga ang iyang yuta sa Pigsag-an nga puro ra gyud sagbot kaniadto, nahimo na karong daw lasang tungod sa gituyo ug tinud-anay nga pag-atiman.
Samtang gihimong ehemplo ang nasud sa South Korea nga nakatukod og mga man-made nga lasang, gipunting niini nga walay imposible basta magtinabangay ang tanan.
