Nasubo ug nabalaka si Atty. Dino De Leon, usa ka human rights lawyer, human nga mikabat na sa 4 ka mga biktima ang nakumpirmang patay ug lima ang naangol sa nahitabong pagpamusil sulod sa usa ka eskwelahan sa Tacloban City.
Subay sa iyang pagtuki, gikinahanglan gayod nga masusi og maayo kung diin naggikan ang armas nga gigamit sa mga suspek nga menor de edad ug nganong nakapasulod sila niini sa sulod sa tunghaan.
Dugang pa sa abogado, angay usab nga subayon ang papel sa mga ginikanan sa paggiya sa ilang mga anak ug ang kakuwang sa security measures sa eskwelahan nga nagtugot nga mahitabo ang ingon niini nga krimen.
Gipahinumdoman usab niya nga ang mga estudyante nga kapin sa 15 anyos mahimo nang pasakaan og kaso isip hamtong kung mapamatud-an nga adunay discernment ang ilang gihimo nga krimen.
Sa katapusan, nanawagan siya og mas maayong mekanismo sa seguridad ug mas hugot nga pag-regulate sa mga armas aron malikayan ang pagbalik sa susamang trahedya sa umaabot nga panahon.
