Subay sa pagsaulog sa Pride Month, nanawagan si Jonh Paul Villamora senior officer sa ILAW Shared Community nga hatagan og higayon ang tanan sa pagpadayag sa ilang tinuod nga pagkatawo.
Gihangyo ni Villamora ang publiko nga wad-on na ang diskriminasyon batok sa mga miyembro sa LGBTQ+ community kalabot sa isyu sa SOGIE.
Dugang pa niya, angay kitang magtinaharay ug maghiusa isip mga tawo nga naningkamot lang nga mabuhi sa katilingban. Dako usab ang paglaom sa maong grupo nga mas daghan pang mga tawo ang mahimong mga ally sa ilang kawsa.
Katapusan, gipadayag ni Villamora ang iyang suporta sa padayong pagpakigbisog sa komunidad para sa pagpasar sa SOGIE Equality Bill.
