CAGAYAN DE ORO CITY – Gikonsiderar sa Bureau of Customs o BoC nga dakong kawad-on sa ilang trabaho ang kamatayon sa ilang district collector nga si Atty Floro Calixihan ning syudad.
Kini human wala na masalbar sa mga doktor ang pag-atake sa sakit sa kasingkasing ni Calixihan sa miaging gabii.
Miingon si Mindanao Container Terminal o MCT collector John Simon nga kasamtangang gihaya ang patay’ng lawas ni Calixihan sa Cosmopolitan Funeral Homes aron makahatag sa katapusang respeto ang mga empleyado sa Customs ug mga higala niini.
Gitakdang dad-on ang patay’ng lawas ni Calixihan sa kauluhan diin naghulat ang nagbangutan niini nga pamilya.
Si Calixihan ang nabutang usab sa kontrobersya kay sa iyang panahon isip collector sa Mindanao Container Terminal sa Tagoloan,Misamis Oriental nga nakasulod ang mga basura sa Verde Soko Philippines nga gikan sa South Korea sugod tuig Hulyo ug Oktubre 2018.
