Gisaway ni Ateneo de Davao University Professor Christopher Ryan Maboloc ang pipila ka Senator-Judges nga nagpakita og pagpangharass ug pagpang-insulto sa mga testigo sa nagpadayong impeachment trial.
Gipamugos ni Maboloc nga dili kinahanglang insultohon ang mga testigo sa depensa sa mga isyu nga walay labot sa kaso sama sa ilang sweldo ug pagbiyahe sa gawas sa nasud.
Matud sa propesor, ang maong dagan sa pagpangutana sa mga hurado naggawas nga irrelevant o walay koneksyon ug nagpakita sa kakulang sa propesyonalismo ug pre-judgment sa husay.
Busa, nanawagan si Maboloc nga ibalik ang hustisya pinaagi sa obhetibong pagtimbang sa ebidensya ug pagtahod sa due process imbes nga gamiton ang posisyon alang sa pagpang-insulto..
