CAGAYAN DE ORO CITY –Nabalda ang plano sa 30 ka rebeldeng New People’s Army o NPA nga mohimo unta pagpangilog sa govt relief goods alang sa apektadong mga pamilya sa Bukidnon.
Kini human paspas naka-responde ang 1st Special Force Battalion ug nahitabo ang engkuwentro sa Sitio Kimutya, San Rafael, Talakag, Bukidnon.
Miingon si 4th ID public affairs chief Capt. Al Anthony Pueblas nga grupo sa Sub-Regional Committees 4 ug 5 sa North Central Mindanao Regional Committee sa NPA ang gikasugat sa tropa diin natigayon ang duha ka hugna sa engkuwentro.
Gibutyag ni Pueblas nga may mga samaron sa mga rebelde tungod sa mga dugo sa encounter site diin nabilin ang loaded sa mga bala nga Ultimax Light Machine gun.
