Gikondenar pag-ayo sa pundok sa Young Free Workers ang tataw nga pabor-pabor sa gobyerno ug mga korte ngadto sa mga kapitalista imbes nga suportahan ang mga kabos nga mamumuo.
Subay niini, gipahayag sa Interim President sa maong organisasyon nga si Norvin Gavino nga kon ang ordinaryong labor case gani ang ipasaka sa mga trabahante sa DOLE, gapaabot pa kini og duha ka tuig hangtod sa usa ka dekada bag-o masulbad human moagi pa sa NLRC, Court of Appeals, ug Supreme Court.
Apan sa laing bahin, nakapanawag-atensyon ang kaalisto sa korte sa pagpagawas dayon og resolusyon ug TRO pabor sa mga dagkong negosyante, ilabi na didto sa Metro Manila.
Tungod sa maong sitwasyon, gibutyag sa grupo nga pamatuod lamang kini nga ang gobyerno mas modapig sa mga kapitalista ug dili sa katawhang Pilipino.
