Gipasidan-an sa pundok sa Youth Against Pax Silica ang publiko batok sa posibleng pagpapahawa sa mga lumadnong komunidad ug pagkawala sa panginabuhian sa mga Pilipino tungod sa proyektong Pax Silica.
Gipadayag ni Coordinator Heroine Marish Fernandez nga bisan pa man sa gisaad sa gobyerno nga kapin 130 mil ka mga trabaho, dako ang posibilidad nga pulihan lamang sa artificial intelligence ang trabaho sa mga tawo.
Dugtong ni Fernandez nga gawas sa pagkaguba sa kinaiyahan, ang kusog nga kasaba ug frequency gikan sa mga artificial intelligence data center makadaot sa panglawas sa tawo ug mopatay sa mga hayop sa palibot.
Tungod niini, nanawagan ang grupo ngadto sa katawhan nga susihon pag ayo ang tinood nga epekto sa mga proyekto nga giingong magdala og langyawng puhonan sa nasud.
