Isang kilos-protesta ang ikakasa ngayong araw ng mga grupo sa lipunan sa Iligan City upang harangan ang pagpasok ng mga pribadong kompanya sa pagpapanatili at pagpapaayos ng Agus-Pulangi Hydropower Complex.
Ipinahayag ni Yadz Gonzales ng Philippine Movement for Climate Justice na nararapat manghimasok ang mga Mindanawon dahil ang naturang pasilidad ang pangunahing pinagmumulan ng malinis na kuryente sa isla.
Ipinaliwanag ng opisyal na nangangamba ang publiko kung ipagkakaloob sa malalaking negosyante ang pondo dahil posibleng tumaas pa ang bayarin sa kuryente.
Bukod sa isyu ng pagpapasapribado, bitbit din sa naturang martsa sa lungsod ang panawagan laban sa patuloy na pagmamahal ng singil sa bawat tahanan.
