CAGAYAN DE ORO CITY – Pabiling bise-presidente sa Liga ng mga Brgy – Cagayan de Oro chapter si Gusa Brgy Kapitan Marlo Tabac ning syudad.
Kini taliwala nga nagpadala’g kasayuran si Liga ng mga Brgy CdeO chapter president incoming City Councilor Alam Lim sa ilang nasudnong hugpong diin nagpahibalo nga molusad sa special election kay daw bakante ang posisyon sa pagka-bise presidente ning syudad.
Matud ni Maria Katrina Jessica Dy,National Liga President nga ‘premature’ ang gihimo sa grupo ni Lim diin 64 gikan sa 80 ka kapitanes ang namirma sa resolusyon nga paphaon si si Tabac aron mabakante ang iyang katungdanan.
Gipasabot ni Dy nga dili sumbanan o basehan ang gipamugos sa 65 ka kapitanes diin namugos nga gipapha nila si Tabac tungod sa ‘loss of trust and confidence.’
Kini tungod kay ang mga basehan niini naglakip sa hingpit nga pagkapha,pagkamatay, permanent incapacity ug loss of eligibility.
Gumikan niini,pabiling opisyal sa ABC-CdeO chapter si Tabac.
Sa pagkutlo ning balita, wala pa’y tubag si Lim ug mga kapitanes nga tipik sa nagpalagpot kaniya.
