CAGAYAN DE ORO CITY-Nalipay ang mga empleyado ug opisyales sa Philippine Health Insurance Corporation o Philhealth-10 nga gipapha ni Pres Rodrigo Duterte ang ilang presidente ug chief executive officer Dr Celestina Maria Jude de la Cerna.
Kini human dismayado ang mga empleyado sa walay kapas nga pagdumala ni De la Cerna sa ahensiya diin nag-atubang sa 4 bilyon pesos nga pagka-alkanse.
Miingon si Philhealth regional spokesperson Marlon Arabaca nga unta matul-id ni Dr Roy Ferrer ang problema nga gibilin ni De la Cerna sa ilang ahensiya.
Nag-prayer rally ang Philhealth employees agig suporta sa lakang ni Duterte pagtangtang kang De la Cerna kagahapong adlawa.
