CAGAYAN DE ORO CITY-Nagtoo si political analyst Atty. Antonio “Tony” Laviña nga gidali-dali ang pagpasar sa sugyot balaodnon nga Bangsamoro Basic Law aron adunay ikapasigarbo nga accomplishment si Pangulong Rodrigo Duterte sa iyang State of the Nation Address o SONA sa Hulyo ning tuiga.
Si Laviña miingon nga kinahanglang mapasar ang BBL sa dili pa ang iyang SONA tungod kay mao kini ang pinakaunang lakang aron mapatuman ang pederalismo.
Giawhag usab ni Laviña ang mga magbabalaod nga magbinantayon sa pag-aprobar sa amendments sa Bangsamoro Basic Law o BBL.
Kini tungod kay may nakita siyang mga sugyot nga supak sa konsepto sa Autonomous government na unang gisaad ni Pres Duterte sa mga Moro Islamic Liberation Front o MILF.
Una nang gi-sertipikahan ni Pres Duterte nga urgent ang Bangsamoro Basic Law versions sa Kamarabaha ug Senado.
