CAGAYAN DE ORO CITY – Gibakwi na sa korte ang gipakanaug nga writ of preliminary injunction o WPI nga unang gi-isyu pabor sa Bahay Bakaysunan sa Camiguin o BBC diha sa Mambajao,Camiguin.
Kini human pabori ni designate RTC Branch 28 Presiding Judge Bonifacio Macabaya ang unang pagpasira ni kanhi Mambajao mayor ug karon Camiguin Gov Jurdin Jesus ‘JJ’ Romualdo sa resort tungod sa kalapasan sa balaod sa kinaiyahan.
Miingon si Macabaya nga katungod ni Romualdo nga ang pagpasira sa usa ka gambalay kon kini nakahatag sa dakong peligro sa panglawas sa katawhan ug kinaiyahan.
Una nang nangayo’g tabang si BBC owner Marie Suzette Chan Good sa korte kay alang kanila,dili makiangayon ug pag-abuso sa gahom ang gihimo sa gobernador sukad niadtong Mayo 2019.
Usab niini,gikompirmar ni DENR-Environmetal Management Bureau regional director Reynaldo Degamo nga napahamtangan nila sa administrative penalty ang BBC tungod sa ilang nakita nga kasupakan sa enviromental laws sa nasud.
Samtang moduso’g motion for reconsideration o MR ang kampo sa Bahay Bakaysunan sa Camiguin o BBC sa korte.
Kini human giwagtang na court injunction aron pugngan ang pagpasira niini tungod sa kasupakan sa environmental laws sa maong lalawigan.
Miingon si Atty Homer Mabale,abogado ni Good nga mohimo usab sila’g komunikasyon kang Pres Rodrigo Duterte kabahin niini.
Namugos si Mabale nga nagsugod ang kasuko sa kagamhanang probinsyal gumikan sa kainit sa politika sa miaging 2019 midterm elections.
