Gikadismaya sa Al-Jalil Coalition ug sa National Commission on Muslim Filipinos ang padayong pagdili sa pagsul-ob og hijab sa mga Muslim nursing students sa Iligan Medical Center College sa ilang pinning ceremony ug mga training activity.
Gipasabot sa spokesperson sa koalisyon nga si Ustadtz Abdul Jabbar Montañer nga ang hijab dili lang basta tela nga pwedeng huboon ug isul-ob bisan kanus-a kundi simbolo kini sa dignidad ug pagtuo sa mga babayeng Muslim.
Gipadayag sa pundok nga supak kini sa memorandums sa CHED ug sa Republic Act 9710 o Magna Carta of Women nga nanalipod sa katungod sa mga estudyante.
Busa gipahibalo sa koalisyon nga pormal na silang magsumite og reklamo sa Commission on Higher Education regional office aron mahatagan og katapusan ang maong diskriminasyon.
