Kalabutan sa kanhi-trabaho rason nga gipapusil-patay ang hugtanong gitoohan sa inahan nga si Ruth Antatico sa gidangatan sa iyang kamagulangan-anak nga si Niruh Kyle sa Brgy Patag ning syudad.
Kini ang giyayag ni Ginang Antatico kinsa kanhi usab opisyal sa National Irrigation Administratikon/NIA 10 kabahin sa kamatayon sa ilang anak.
Nakasaway usab kini sa NIA 10 nga unta hataga’g proteksyon si Kyle kay nakadawat sa daghang death threats gumikan sa corruption expose, apan gihimo na hinoon nga procurement canvasser gikan sa pagsilbing legal research officer.
Siya miingon nga bisan nawalaa kanila ang ilang anak apan garbo niini nga nakabilin sa legasiya pinaagi sa pagbulgar sa giingong mga kahiwian sa NIA diin sobra 40 ka tuig niya gisilbihan sa milabay’ng panahon.
Si Kyle nahiagom sa mga igo sa pinusilan gamit kalibre 9mm pistol nga binuhatan sa motorcycle in tandem suspects sulod sa gimaneho niya nga pribadong awto sa Crossing,Brgy Patag ning syudad sa miaging Oktobre 10.
Hisayrang sa online news interbyu usab kang NIA administrator Engr. Eduardo Eddie Guillen, gibutyag niini nga subay sa nadawat niya nga katin-awan sa ilang regional office dili tinood ang pasangil ni Kyle batok kanila.
