CAGAYAN DE ORO CITY – Gikonsiderar nga sulbad na alang sa PNP ang pagpusil-patay sa anak ni 1st District Rep Rolando ‘Klarex’ Uy nga si late Carmen Brgy Kag Roland Sherwin ‘Tawee’ Uy diha sa Brgy Pagatpat ning syudad sa miaging tuig 2021.
Kini human kompirmaha ni COCPO spokesperson Maj Evan Viñas ang naduso na ang multiple murder case batok sa mismong mipusil sa biktima ug quarry caretaker niini nga si Samuel Pabalan sa maong lugar.
Gani,miapelar ang COCPO nga boluntaryo nang motahan ang suspek sa balaod aron atubangan ang maong kaso.
Pagdumot ug bangi sa negosyo ang gitumbok sa kapolisan nga rason kon nganong gipatay si Tawee ug nadamay lang ang caretaker niini.
Samtang itunol gilayon sa COCPO ang minilyong cash reward money ngadto sa indibidwal nga nakatabang pagtumbok sa Uy-Pabalan multiple murder case respondent ning syudad.
Kini ang pasalig ni COCPO City Director Col Aaron Mandia kabahin sa ilang gisulti nga naduso na ang kason batok sa wala una panganli nga responsabli sa kremin.
Gibutyag ni Mandia nga gihulat na lamang nila ang paggawas sa warrant of arrest aron dakpon ang utok sa kremin.
Giklaro niini,walay pulis nga makabahin sa gitanyag nga reward money sa pamilyang Uy,city govt ug business sector sa maong hitabo.
