CAGAYAN DE ORO CITY- Gikonsiderar ni City Director Police Col Henry Dampal nga sulbad na ang kasong pagpusil-patay sa batan -on nga anak sa kanhi sundalo diha sa Tangkongan,Pinikitan,Brgy Camaman-an ning syudad.
Kini human natumbok ug napatay usab sa kapolisan ang prime suspek nga si Maingko Alinog alyas Mike Taba nga nakigpinusilay dihang laraw dakpon sa Opol ning lalawigan.
Si Alinog ang gitudlo ug gikasuhan sa murder kuyog ang laing suspek gumikan sa pagpatay kang John Mark Lagumbay nga taga Adela Subd sa maong brgy sa miaging semana.
Nasayran nga tulo usab ka pulis ang samaron dihang naigo sa pagpamusil ni Alinog sa sulod sa usa ka balay sa Vamenta Subd,Brgy Barra,Opol ning lalawigan sa miaging semana.
