CAGAYAN DE ORO CITY- Gitutukan karon sa Special Investigation Task Group (SITG-Perlas) ang anggulo nga ‘love triangle’ ang usa sa mga hinungdan sa pagpusil-patay kang municipal health officer sa Sapad,Lanao del Norte.
Kini ang ulahing resulta sa padayong imbestigasyon sa SITG nga nag-imbestigar sa kamatayon niDr Dreyfuss Perlas nga lumad taga-Aklan sa Maranding Annex, Kapatagan sa maong lalawigan.
Gibutyag sa Bombo Radyo ni Lanao del Norte Provincial Police Director Sr Supt Atty Faro Antonio Olaguera nga may upat sila ka tawo nga gikonsiderar karon nga persons of interest.
Gani,balor sa P200-mil nga cash reward money ang ihatag sa gobyernong lokal sa Lanao Norte aron mapadali ang pagsulbad sa kaso ni Perlas diin gilubong na sa katapusang pahulayan sa Aklan kagahapong adlawa.
