CAGAYAN DE ORO CITY-Personal grudge o pagdumot ang gilantaw nga motibo sa kapolisan sa shooting incident nga nahitabo diha sa Zone 8, Lower,Bulua ning syudad.
Matud ni Bulua Police Station commander C/Insp Gil Agpaoa nga padayon pa nilang gipangita ang mga suspek nga responsable sa krimen nga gikamatay ni Reynaldo Dulfo alyas Kulot, 21-anyos ug nagpuyo sa maong lugar samtang samaran ang kauban nga si Gilbert Navarro.
Gipasalig niini nga ilang pahugtan ang imbestigasyon hangtud nga madakpan ang mga suspek.
Una niini, gipusil-patay sa wala mailang suspek sakay sa motorsiklo ang mga biktima.
Naigo sa ulo ug dughan si Kulot hinungdan sa iyang kamatayon.
Samtang giangkon sa 17-anyos nga si Janzel Estrada nga naa sila’y grupo nga gitripan samtang nag-inom sulod sa videokehan kagabii.
Siya miingon nga gilabay sa botilya ni Dulfo ang usa ka grupo nga nag-inom usab sa videokehan hinungdan nga may komosyon nga nahitabo.
Asoy pa niini nga na-tripan lamang nila ang maong grupo ilabina nga pulos na sila mga hubog.
